ಕನಸು ಕಾಣದ, ನಾಚಿ ತುಟಿ ಕಚ್ಚಿಕೊಳ್ಳವ
ಹಸಿರಕ್ತದ ಬಿಸಿಮಾಂಸದ
ಬೆಡಗಿಯೆರು ನಿಲ್ಲುತ್ತಾರೆ
ಆರೆಬೆತ್ತಲಾಗಿ ನಗುತ್ತಾರೆ ಮುದಿಗಳೂ
ಹೊರಳಿ ನೋಡುವಂತೆ
ಹದ್ದುಗಳು ಎರಗುತ್ತವೆ ಮುಗಿಬೀಳುತ್ತವೆ
ಕಾಮದ ಹಸಿವಿಗಾಗಿ
ದೂರದ ಆಫ್ರಿಕ ಏಷಿಯಾದ
ಮುಸುರೆ ತೊಟ್ಟಿಗೆ
ಭಿಕ್ಷುಕರು ಮುಗಿಬಿದ್ದಂತೆ
ಅಲ್ಲಿಮುಸುರೆ; ಇಲ್ಲಿ ಮಾಂಸ
ಹೆಕ್ಕುತ್ತವೆ ಅವೇ ರಕ್ತ ಕಣಗಳ
ಹೊತ್ತ ಜೀವಿಗಳು
ಹಸಿರಕ್ತ ಕಹಿಯಾದರೂ
ಇರಲಿ ಸಿಹಿಯಾದರೂ ಇರಲಿ
ದೇಹ ಹಿಂಜರಿದರೂ ಬಿರಿದ
ಎದೆ ತೊಡೆಗಳನ್ನೆಲ್ಲ ಬಿಡದೇ
ದಿನೇ ದಿನೇ ಹೆಕ್ಕಿ ತಿನ್ನಲು
ಹದ್ದುಗಳು ಬೇಟೆಯಾಡುತ್ತಲೇ ಇರುತ್ತವೆ
ಬಿಸಿ ಮಾಂಸದ ದೇಹದಲ್ಲಿ
ತಾಯಿ ಅಕ್ಕ ಹೆಂಡತಿ ಕಾಣದೇ
ಅದೇ ರಕ್ತದ ಮಡುವಿನಲ್ಲಿ
ಮುಳುಗುತ್ತ ತೆಕ್ಕೆಯೊಳಗೆ ನಲಗಿಸುತ್ತ
ಸರಿಯುತ್ತವೆ
ಜಾರಿಬಿದ್ದ ಬೆಡಗಿಯರಿಗೆ ಅಳುವಿಲ್ಲ
ಏಳುತ್ತಾರೆ
ಇನ್ನೂ ಇನ್ನೂ ಬೆತ್ತಲಾಗುತ್ತ
ನೇಸರಿಳಿಯುವುದು ಕಾಯುತ್ತ
ರಸಿಕರಿಗೆ ರಂಗೇರಿಸಲು
ಬಣ್ಣ ಬಣ್ಣಗಳ ದೀಪಗಳಡಿ
ಮತ್ತೆ ಮತ್ತೆ ಸುಟ್ಟುಕೊಳ್ಳಲು ನಿಲ್ಲುತ್ತಾರೆ.
(ಪ್ಯಾರಿಸ್ಲಿನ Red light area)
*****
Related Post
ಸಣ್ಣ ಕತೆ
-
ವಿಷಚಕ್ರ
"ಚಂದ್ರು, ಒಳಗೆ ಬಾಮ್ಮ. ಮಳೆ ಬರುತ್ತೆ." ತಾಯಿ ಕೂಗಿದುದನ್ನು ಕೇಳಿ ಚಂದ್ರು ನಕ್ಕ. ಒಳಕ್ಕೆ ಬರುವುದಿರಲಿ, ಪಕ್ಕದ ಮನೆಯ ಹುಡುಗಿ ವೇದಳೊಂದಿಗೆ ಆಡುತ್ತಿದ್ದುದನ್ನು ನಿಲ್ಲಿಸಲೂ ಇಲ್ಲ. "ನೋಡೇ-ನಾನು… Read more…
-
ಕಳಕೊಂಡವನು
ಸುಮಾರು ಒಂದು ಗಂಟೆಯ ಪಯಣದಿಂದ ಸುಸ್ತಾದ ಅವನು ಬಸ್ಸಿನಿಂದ ಇಳಿದು ರಸ್ತೆಯ ಬದಿಗೆ ಬಂದು ನಿಂತು ತನ್ನ ಕೈಗಡಿಯಾರ ದೃಷ್ಟಿಸಿದ. ಮಧ್ಯಾಹ್ನ ಒಂದು ಗಂಟೆ. ಒಮ್ಮೆ ಮುಖ… Read more…
-
ದೇವರು ಮತ್ತು ಅಪಘಾತ
ಊರಿನ ಕೊನೆಯಂಚಿನಲ್ಲಿದ್ದ ಕೆರೆಯಂಗಳದಲ್ಲಿ ಅಣಬೆಗಳಂತೆ ಮೈವೆತ್ತಿದ್ದ ಗುಡಿಸಲುಗಳಲ್ಲಿ ಕೊನೆಯದು ಅವಳದಾಗಿತ್ತು. ನಾಲ್ಕೈದು ಸಾರಿ ಮುನಿಸಿಪಾಲಿಟಿಯವರು ಆ ಗುಡಿಸಲುಗಳನ್ನು ಕಿತ್ತು ಹಾಕಿದ್ದರೂ ಮನುಷ್ಯ ಪ್ರಾಣಿಗಳ ಸೂರಿನ ಅದಮ್ಯ ಅವಶ್ಯಕ… Read more…
-
ದೇವರೇ ಪಾರುಮಾಡಿದಿ ಕಂಡಿಯಾ
"Life is as tedious as a twice-told tale" ಧಾರವಾಡದ ಶಾಖೆಯೊಂದಕ್ಕೆ ಸಪ್ತಾಪುರವೆಂಬ ಹೆಸರು, ದೂರ ದೂರಾಗಿ ಕಟ್ಟಿರುವ ಆ ಗ್ರಾಮದ ಮನೆಗಳಲ್ಲಿ ಒಂದು ಮನೆಯು… Read more…
-
ಬಿರುಕು
ಚಂಪಾ ಹಾಲು ತುಂಬಿದ ಲೋಟ ಕೈಯಲ್ಲಿ ಹಿಡಿದು ಒಳಗೆ ಬಂದಳು. ಎಂದಿನಂತೆ ಮೇಜಿನ ಮೇಲಿಟ್ಟು ಮಾತಿಲ್ಲದೆ ಹೊರಟು ಹೋಗುತ್ತಿದ್ದ ಅವಳು ಹೊರಡುವ ಸೂಚನೆಯನ್ನೇ ತೋರದಿದ್ದಾಗ ಮೂರ್ತಿ ಬೆಚ್ಚಿ… Read more…